четверг, 2 октября 2014 г.

Элькана Мінхерц. Гуткін Слабодзкі. Койданава. "Кальвіна". 2014.




                                                              ГУТКІН СЛАБОДЗКІ
    Гутман Гевашавіч [Гевашевич] Гуткін [Гуткин-Слободский] – нарадзіўся у 1887 г. ва вуездным месьце Полацак Віцебскай губэрні Расейскай імпэрыі, у габрэйскай сям’і сталяра.
    Вучыўся ў пачатковай школе. Шавец. З 1904 г. захоўваў і распаўсюджваў сацыял-рэвалюцыйную літаратуру. 4 лютага 1904 г. арыштаваны ў м. Яновічы Віцебскай губэрні і зьняволены ў Віцебскай турме да 18 лістапада 1904 года. У 1905 г працаваў у Віцебску ў арганізацыі ПСР–Максымалістаў пад мянушкай “Андрэй”.
    Арыштаваны 10 лютага 1905 г. за замах на начальніка Віцебскага ахоўнага аддзяленьня і асуджаны 30 верасьня 1905 г. у Віцебску Пецярбурскай судовай палатай па арт 1459 КП на 9 гадоў катаргі. Пакараньне адбываў у Бутырках да 1906 году, у Аляксандраўскім цэнтрале ў 1906-1907 гг. і на Амурскай калёснай дарозе ад 1907 году. 14 траўня 1908 г. уцёк у акруговае места Хабараўск Прыморскай вобласьці, дзе жыў пад прозьвішчам Слабодзкі.
    За зносіны з вучнёўскай моладзьдзю сасланы ў п. Марха Якуцкай акругі Якуцкай вобласьці, дзе быў ізноў арыштаваны і ў 1908 г. асуджаны Якуцкім акруговым судом за бадзяжніцтва на 4 гады арыштанцкіх ротаў. Роты адбываў у Якуцкай турме да 1913 г., калі ізноў быў уселены ў п. Марха, дзе працаваў шаўцом да 1917 году.
    Чалец УКП(б). Уваходзіў у Таварыства паліткатаржанаў і ссыльна-пасяленцаў. Білет чальца № 176.
    Літаратура:
    Гуткин-Слободский Гутман Гевашевич. // Политическая каторга и ссылка. Биографический справочник членов о-ва политкаторжан и ссыльно-поселенцев. Москва. 1934. С. 176.
    Элькана Мінхерц,
    Койданава