среда, 22 октября 2014 г.

Люба Кананір. Ваяка Ліхута. Койданава. "Кальвіна". 2014.




    Яўхім [Ефим] Андрэевіч Ліхута - нар. у 1887 г. у сям’і селяніна в. Канішавічы Гарадзішчанскай воласьці Наваградзкага вуезду Менскай губэрні Расейскай імпэрыі.
    Вучыўся ў гарадзкой вучэльня, якую не скончыў. Быў пакліканым у войска і служыў кананірам у Мікалаеўскай крапасной артылерыі, займаўся рэвалюцыйнай прапагандай. Прымаў актыўны ўдзел ва ўзброеным мяцяжы 10 студзеня 1906 г. у крэпасьці Мікалаеўскай Амурскай вобласьці. Арыштаваны 2 чэрвеня 1906 г. і аддадзены ваеннаму суду.
    Часовы ваенны суд у крэпасьці Мікалаеўскай 17 чэрвеня 1906 г. прысудзіў яго да пазбаўленьня ўсіх правоў стану і ссылцы ў катаржныя працы на 8 гадоў. Прыморскім абласным праўленьнем 14 жніўня 1906 г. адпраўлены на Нерчынскую катаргу. Тэрмін адбываў у Алгачынску. Па ўказе 21 лютага 1913 г. у той жа дзень быў вызвалены ад катаржных прац і 6 красавіка 1913 г. адпраўлены на паселішча ў Якуцкую вобласьць.
    Якуцкім губэрнатарам быў разьмеркаваны ў Алёкмінскую акругу Алёкмінскага ўлусу. Дастаўлены ў м. Алёкмінск 4 верасьня 1913 г. i ўселены ў 2-ю Нерукцейскую сельскую грамаду. У 1914 г. зьдзейсьніў уцёкі з месца пасяленьня.
    Літаратура:
    Казарян П. Л.  Олекминская политическая ссылка 1826-1917 гг. Якутск. 1995. С. 200, 419-420, 472.
    Казарян П. Л.  Олекминская политическая ссылка 1826-1917 гг. Изд. 2-е дополненное. Якутск. 1996. С. 200, 419-420, 472.
    Люба Кананір,
    Койданава.